Instituti Profesional ATC i themeluar më 5 shtator 2012 ka një mision; Të përgatisë profesionistë në nivelet më të larta, të cilët të jenë të aftë për tregun e punës, vendas dhe atë të huaj.
Stafi i kualifikuar, programet dhe sistemi ynë i mësimdhënies ngjason me sistemin dual gjerman, pasi teoria kombinohet më së miri me praktikën në laboratorët tanë modern, si edhe me praktikën profesionale intensive pranë kompanive partnere. I kushtojmë rëndësi të madhe cilësisë së shërbimeve që ofrojmë si dhe mbështesim fort të gjithë kursantët tanë për t’i punësuar brenda dhe jashtë vendit, nëpërmjet zyrës tonë të punësimit.
Mjediset tona gjenden në qendër të Tiranës, disponojmë dymbëdhjetë laboratorë praktike, katër klasa teorie, një bar për konkurse dhe aktivitete, ambjente pritjeje dhe administrative.
