Kursi për STILIST (rrobaqepësi) është kurs një vjeçar ose 9 mujor, i cili zhvillohet çdo ditë të javës nga e hëna në të premte me nga një seancë dy orë mësimi 45 minutëshe, për çdo ditë për 9 muaj rresht.
Programi ka në përbërje disa kapituj dhe shumë tema mësimi, të cilat zhvillohen në teori, por kryesisht dhe në praktikë. Praktika zhvillohet në klasën e rrobaqepësisë së ATC-së, por edhe në atelie të ndryshme në të gjithë kryeqytetin.

Kursantët trajtojnë shumë tema interesante dhe koherente në këtë kurs si: historia e modës dhe kostumografisë, teoria e ngjyrave, mercologjia tekstile e veshjeve, modelim kostumi teatral, fantazi, teknika të zhvillimit të prerjes industriale, skicim figure, teknologjia e copës, qepje industriale dhe artizanale, qepje e modelit, rregullim i defekteve, modelim dhe prerje për bebe dhe femijë.
Modelim dhe qepje bluze, fustani, këmishe, xhakete, palltoje etj.
Me përfundimin me sukses të këtij kursi gjetja e një vendi pune është shumë e lehtë dhe e garantuar, sepse dizenjimi dhe qepja e veshjeve me stil unik është kthyer në modë sidomos te femrat.